شوف علاش واقع تيفي
بقلم شاعرة زوبيدة طويل
و شكون بحالك ..؟
ياهاذ الليل
نجومك براقة
ونسيمك عليل
و شكون بحالك..؟
ياهاذ الليل
ݣمرتك ضاويا
بلا شمع لا قنديل
نغطس ف ظلامك
نتيه ف احلامك
نذوب ف سكاتك
نغيب ونتجلى فيك
الخطوة فيك
تزيد نخوة
والكلمة فيك
نغمة ؤ وترة
سولوني عليك
وعلى لونك لجميل
سولوني عليك
وعلى صمتك الطويل
جوابي كان كافي
خفيف فلساني وشافي
سرو عند الله الخافي
الكريم لي ما يحافي
الله يبليك بسهير الليل
بزينو وكلامو لحنين
فيه العاشق يناجي الخليل
يخليه يطير بلا جنحين
وشكون بحاااااالك ياهاذ الليل
